الواجب التدويني رقم 1



قررت نبدا نكتب هنا بشكل يومي.. 

هادي ثلاث أيام "وقت كتابة هاد التدوينة" باش حيدت جميع التطبيقات لي عندهم علاقة بالشبكة الاجتماعية "فايسبوك". صراحة مازال كانحس بأعراض إنسحابية ديالو لكنني كانقاوم أنني نبقى بعيد كل البعد و نلتزم بالتحدي لي رفعته.
ماتصورش الوقت الكبييير لي كنت كانضيعو وانا متصل بهاد الشبكة،  وليت نحس بفراغ و راحة أكثر قريبة نوعا ما من راحة انتزاعك لسروال مزير.

حاليا كانحاول نعمر هذاك الوقت بأحسن ماكاين و لي هو القراءة،  حاليا كانقرا واحد الكتاب جميل واخا الكتروني حسيت بالراحة معاه واخا عادة ماكانرتاحش مع الكتب الالكترونية. 

الكتاب بعنوان "عزاءات الفلسفة" كتاب جميل للكاتب آلان دو بوتون هو كان ممكن يكون اسمه الفلسفة كعلاج نفسي حيت حقا المحتوى ديالو كله حكم و أفكار فلسفية لي كاتساعدنا نفهمو بيها الحياة، الكاتب جمع بزاف الحكم و الآراء ديال الفلاسفة المعاصرين و القدماء لي حول الحياة و الحقيقة و الخير و الشر فواحد القالب جميل و سلس. 

مازال غادي ناقش الكتاب فتدوينات جاية..  المهم الحياة جميلة و رائعة بعيدا عن الضجيج لي كنت عايش فيه و حتى النوم بدا كايتحسن عندي فهاد اللحظات نيت كانفكر نعس. 

الهضرة طويلة وماكاتقاداش أنا عارف كانكتب بدون تنظيم أفكار بدون هدف لكن هكا كانحس براسي مرتاح. 

تعليقات

المشاركات الشائعة من هذه المدونة

نحن السبب الأول في موت المحتوى العربي

لماذا لا يتم الترويج للكتب مثل الأفلام السينيمائية ؟

عندما يكون الفن ليس بفنٍّ حقا ..

سجل ليصلك الجديد عبر الايميل